ადამიანის უფლებები ობიექტივში - ფოტოკონკურსი სტუდენტებისთვის
USAID სამართლის უზენაესობის პროგრამა აცხადებს ფოტოკონკურსს სახელწოდებით: ადამიანის უფლებები ობიექტივში / Human Rights Through the Lens.
ფოტოგადაღებით დაინტერესებულ სტუდენტებს - აჭარის, იმერეთის, და სამცხე-ჯავახეთის რეგიონებიდან - კონკურსი აძლევს შესაძლებლობას საზოგადოებას გაუზიარონ მათი აღქმა და ხედვა საქართველოში ადამიანის უფლებების, გამოხატვის თავისუფლების, დემოკრატიის და კანონის უზენაესობის შესახებ.
საკონკურსო პირობები:
- კონკურსში მონაწილეობის მიღება შეუძლია ნებისმიერ დაინტერესებულ პირს, რომელიც ამჟამად სწავლობს იმერეთის, აჭარის ან სამცხე-ჯავახეთის რეგიონში არსებულ უმაღლეს სასწავლებელში.
- ფოტოს გადაღება შესაძლებელია ციფრული ფოტოაპარატით ან მობილური ტელეფონით [ზომა: მინიმუმ 3 მეგაბაიტი];
- ფოტოს შინაარსი უნდა ეხებოდეს ადამიანის უფლებებთან დაკავშირებულ საკითხებს;
- გადმოცემული ამბავი ადვილად აღსაქმელი უნდა იყოს ფართო აუდიტორიისთვის;
- კონკურსანტს შეუძლია გამოაგზავნოს რამდენიმე ფოტო, თუმცა სხვადასხვა თემაზე;
- არ უნდა იყოს გამოქვეყნებული სოციალურ ქსელში და/ან მედიასაშუალებაში;
- პლაგიატის აღმოჩენის შემთხვევაში, ფოტო მოიხსნება კონკურსიდან.
შეფასების კრიტერიუმები:
- კონკურსის თემასთან და მიზანთან შესაბამისობა;
- იდეის ორიგინალურობა;
- კომპოზიციურად სწორი კადრი, ფერების კომბინაცია და შეხამება.
ნაშრომის შეფასება:
ჟიური გამოავლენს 3 საუკეთესო ნაშრომს. კონკურსის სამივე გამარჯვებულს გადაეცემა შესაბამისი სერტიფიკატი და სასაჩუქრე ვაუჩერები: I ადგილი - 1000 ლარი; II ადგილი - 700 ლარი; III ადგილი - 500 ლარი.
საუკეთესო ფოტოები განთავსდება USAID სამართლის უზენაესობის პროგრამის ვებ და სოციალურ [Facebook, Instagram and Twitter] გვერდებზე.
კონკურში მონაწილეობით, ფოტომასალის გამოგზავნით თქვენ ადასტურებთ, რომ:
- ფლობთ საავტორო უფლებებს, გამოგზავნილი ფოტო თქვენი გადაღებულია;
- კონკურსის ორგანიზატორებს ანიჭებთ უფლებას, საკუთარი შეხედულებისამებრ გამოიყენონ თქვენ მიერ გამოგზავნილი ფოტო, სხვადასხვა ცნობიერების ასამაღლებელ/საკომუნიკაციო მიზნებისთვის (ავტორის მითითებით).
კონკურსში მონაწილეობის სურვილის შემთხვევაში, ნამუშევრების წარმოდგენის ბოლო ვადაა 2024 წლის 30 ნოემბერი.
საკონკურსო ფოტოს [ზომა: მინიმუმ 3 მეგაბაიტი] შემოტანა შესაძლებელია მხოლოდ ელექტრონულად შემდეგ მისამართზე: mmakharashvili@ewmi.org ასევე უნდა გაგვიზიაროთ ფოტოთი გადმოცემული ამბის აღწერა [მაქსიმუმ 150 სიტყვა], მიუთითოთ თქვენი ასაკი, რეგიონი და საკონტაქტო ნომერი.
გამოგზავნის დროს, წერილის სათაურში (Subject-ველი) უნდა მიუთითოთ: ადამიანის უფლებები ობიექტივში.
კონკურსის შესახებ დამატებითი ინფორმაციის მიღება შესაძლებელია ამავე ელექტრონული მისამართის საშუალებით.
